Власов Андрей Витальевич — различия между версиями

Материал из КОМИТЕАТР
Перейти к: навигация, поиск
(Некодлы оз ков?)
Строка 30: Строка 30:
  
 
[[Категория:Работники театра]]
 
[[Категория:Работники театра]]
 +
[[Категория:Интервью]]

Версия 11:26, 2 декабря 2013

Власов Андрей Витальевич - заведующий художественно-декорационной мастерской. Поощрен за вклад в сохранение театрального дела, развитие художественного творчества благодарностью министра культуры Республики Коми.

Содержание

Выльгортса "Страдивари"

Андрей Витальевич Власов — енбиа морт. Öти-кö, сылысь висьт-пьесаяссö йöзöдлöны "Войвыв ко-дзув" журналын. А нöшта на вöчалö... сигудöкъяс. Весиг дасьтöма найöс вöчöм йылысь небöг. Андрей Витальевич столяралö республикаса вужвойтырлöн шылада-драмаа театрын. Зарни киа морт унатор сяммö вöчны. Öти спектакль дырйи республикаса заслуженнöй артист Александр Ветошкин ворсöма сигудöкöн. И Андрей Власовлы сэтшöма кажитчöма тайö аслыспöлöс шыладыс, мый ыззьöма да ачыс шуöма видлыны вöчны вужвойтырлысь тайö ворсансö. Столяр первой гöгöрбок видлалöма артистлысь сигудöксö, кодöс ньöблöма театрыс. Сэсся библиотекаясысь корсьöма да лыддьöма небöгъяс, кöні висьтавсьö сигудöк йылысь. Но вöлöма татшöм литератураыс зэв этша. Сигудöк йылысь гижлöма нималана коми композитор, Коми АССР-ысь государственнöй премияа лауреат, РСФСР-ысь культураса заслуженнöй уджалысь Прометей Чисталёв. Та бöрын босьтöма скрипкаяс йылысь книгаяс. Листалöма, снимайтöма фотоаппаратöн, вöчöма гижöдъяслысь копияяс... Матö дас небöг лыддьöма. И вöлисти босьтчöма уджö. Дасьтöма да косьтöма пипу, нинпу, пожöм, коз да мукöд пулысь пöвъяс. Лöсьöдöма-вöчöма став колана инструментсö. Сэсся пуксьöма аслас пызан сайö. Театрса сигудöкыслöн резонаторыс латуньысь, а Андрей Витальевич шуöма вöчны сійöс пуысь. Дыр пессьöма-мырсьöма, но век жö медводдза сигудöксö вöчöма.

Мед Сьылас Сигудöк

Первойыс артмöма абуджык сэтшöм, кутшöмöс кöсйöма мастер. Мыгöрыс пö мича, а шыладыс абу. Разьöма да выльысь уджö босьтчöма. Тадзи Андрей Власов уна лун да вой зільöма. Öкмыштöма сямыс да, шуöма гижны сигудöк вöчöм йылысь торъя книга. Ачыс сійö тадз висьталö: —Шуи ясыда висьтавны, кыдзи-мый вöчны сигудöксö. Быд торъя воськов пасъялі. Медым быд окотитысь, коді весиг первойысь на киас босьтöма пила-струж, вермис вöчны тайö ворсансö. Жаль эськö, но лоис рочöн гижны. Мед и мукöд кывъя йöз вермисны сійöс лыддьыны. "Пусть поёт сигудэк" книгасö таво помалöма. Небöгас матö сё лист бок, кыксё сайö снимок. Но йöзöднысö оз вермы, сьöмыс абу да. Кöть эськö колö матö 150 сюрс шайт. Эскö, мый "Пусть поёт сигудэк" книгаыс оз лэдз кувны-бырны вужвойтырлöн инструментлы. Век нин кодкö да босьтчас лов-зьöдны сійöс. А нöшта на тайö книгаас шуöма гижны став гусяторсö, мый ачыс тöдмалöма да восьтöма. Мед ставыс тайö кольö сійö жö том йöзыслы.

Йöзкостса ворсан

Талун сигудöктö лавкаысь он аддзы. Тайö и майшöдлö Андрей Власовöс. Сійö висьталö: —Дзик на неважöн миян пöльяслöн сигудöкыс вöлöма йöзкостса ворсанöн. Сійö юргылöма быд сикас праздник да гаж дырйи. Уна семьяын вöлöма сигудöкыс. Сьöрсьыс босьтлывлöмаöсь пармаö и вöралысьяс. Ур-тулан прöмышляйтöмыд — зэв сьöкыд удж. Мужикулов, дерт, ёна мудзлöмаöсь, öд абу кокни келавны яг-расті. Рытъяснас пеша дорын ворслывлöмаöсь буретш сигудöкöн да тадзи гажöдчылöмаöсь. А кыдзи нöшта öти мортыс коллялас прöст кадсö неыджыд вöрса керкаын? Öні серпасыс дзик мöд. Та вöсна и босьтчöма сійö тайö уджас. И могсö сувтöдöма ас водзас ыджыдöс — вöчны абу йöзкостса, а сідз шусяна концертнöй инструмент. Медым Комиын вöлі торъя котыр, ансамбль либö оркестр, кöні юргöны сöмын сигудöкъяс. Андрей Витальевич эскöдö: — Жаль, но талун вужвойтырлöн важся инструментöн ворсöны сöмын кыкöн: Александр Ветошкин да Михаил Бурдин. Дерт, колö сям, а, гашкö, и енби. Но ворсысьяссö позьö ве-лöдны сійö жö культура колледжас... Чайта да, колö сöмын кöсйöм. Мир пасьталаын тай окотапырысь кывзöны балалайкаöн ворсысьясöс, нимкодясьöны и. А сигудöкыс сыысь öмöльджык öмöй?..

Андрей Власов уна кор-сьысьöма, видлöма уна сикас пу. И быдöнлöн пö аслас шы. Сідз, нинпулöн шыа-ланногыс вöлöм небыдджык пожöмысь серти. Кык во корсьысьöма, мöвпалöма, велöдчöма, зільöма. Сылы сьöлöм вылас ёнджыка воöма сідз шусяна Италияса мелі шыаланногыс. Но кыдзи сыöдз воöдчынысö? А сэсся киас веськалöма Мадагаскарысь вайöм мерабу паркет. Аддзöма и коз плака, кодöс пилитлöмаöсь коркö кольöм нэм заводитчигöн на. И доддьыс, кыдз шуласны, вöрзьöма. Видлöма и уна сикас струна. Шыаланногыс унаторйысь пö артмö. Öні вöдитчö Америкаса струнаясöн.

Некодлы оз ков?

Андрей Власов вöчöма нин кызь сайö сигудöк. Мукöдсö, кодлöн шыыс абу воöма сьöлöм вылас, некымынысь разьлöма. Кык медся бур ворсансö нуöма лавкаö. Мастер бара на майшасьö: —Жаль лоö, ньöбасны кö йöз, кодъяс асьныс оз ворсны. Коллекционерыд сув-тöдас джаджйö да кутас сійöн нимкодясьны... Сыктывдін районса Выльгортысь балалайка вöчалысь С.И.Налимовлы, позьö шуны, мойвиис: сылöн инструментъясыс юргисны йöзкостса инструментъяслöн первой роч оркестрын, кодöн сэки юрнуöдіс В.В.Андреев. А коді отсалас Андрей Власовлы?

Ссылки